ენა: ქართული
შესვლა რეგისტრაცია
Pura

წესები და პირობები

წინასწარი ვერსია. დოკუმენტი იურისტის განხილვაშია და შეიძლება შეიცვალოს; ცვლილებისას ვერსიის ნომერი განახლდება.

ვერსია: 2026-10-17-draft

ეს პირობები აწესრიგებს, როგორ ვიღებთ განაცხადს purago.app-ზე და როგორ ვაწყობთ თქვენი ტვირთის გადაზიდვას. კონკრეტული შეკვეთის ფასს, დროსა და მანქანას დისპეტჩერი ტელეფონით გითანხმებთ.

1. ვინ ვართ და რას ეხება ეს პირობები

Pura — სავაჭრო სახელია, რომლითაც მუშაობს შპს „[სახელწოდება]“ (საიდენტიფიკაციო კოდი [კოდი]; მისამართი: პეკინის გამზირი 24, თბილისი, საქართველო). ტექსტში „ჩვენ“ ამ კომპანიას ნიშნავს, „თქვენ“ — იმას, ვინც განაცხადს გვიგზავნის ან გადაზიდვას გვიკვეთს.

პირობები ვრცელდება purago.app-ის ფორმებით გამოგზავნილ განაცხადებზე და დისპეტჩერთან შეთანხმებულ შეკვეთებზე. ვმუშაობთ საავტომობილო გადაზიდვებზე, საქართველოს შიგნით და საერთაშორისო მიმართულებებზე. თუ კონკრეტულ შეკვეთაზე დისპეტჩერთან შეთანხმებული პირობა ამ ტექსტს არ ემთხვევა, მოქმედებს შეთანხმებული პირობა.

[LEGAL] T1. დასადგენია ჩვენი სამართლებრივი როლი: ექსპედიტორი (სამოქალაქო კოდექსის 730-ე–743-ე მუხლები), გადამზიდველი (668-ე–708-ე მუხლები) თუ შუამავალი (744-ე მუხლი). ამაზეა დამოკიდებული პასუხისმგებლობის მთელი რეჟიმი. ფაქტები: ფასს ჩვენ ვათანხმებთ, ინვოისს ჩვენ ვწერთ, გადამზიდავთან ხელშეკრულებას ჩვენი სახელით ვდებთ.

2. როგორ მუშაობს მომსახურება

  1. აგზავნით განაცხადს ფორმით ან გვირეკავთ. განაცხადი უფასოა და გადახდის ვალდებულებას არ ქმნის.
  2. დისპეტჩერი 2 სამუშაო საათში გირეკავთ. სამუშაო დღეებია ორშაბათიდან პარასკევის ჩათვლით, სამუშაო საათები — [საათები].
  3. ზარისას გითანხმებთ ფასს, ჩატვირთვის დროსა და მანქანის ტიპს. შეკვეთა დადასტურებულია, როცა ფასსა და დროზე დისპეტჩერს ტელეფონით შეუთანხმდებით.
  4. გიძებნით გადამზიდავს და მანქანას გიჯავშნით. გადაზიდვას ასრულებს გადამზიდავი, რომელსაც ჩვენ ვარჩევთ და რომელთანაც ხელშეკრულებას ჩვენი სახელით ვდებთ.
  5. ტვირთის ჩაბარების შემდეგ გიგზავნით ინვოისს, თქვენ კი საბანკო გადარიცხვით იხდით.

[LEGAL] T2. ხელშეკრულება ტელეფონით იდება. დასადგენია: საჭიროა თუ არა შეთანხმების წერილობითი დადასტურება (SMS ან ელფოსტა); ფიზიკურ პირებთან — რა ინფორმაცია უნდა მივაწოდოთ დისტანციური ხელშეკრულების დადებამდე „მომხმარებლის უფლებების დაცვის შესახებ“ კანონით (მე-10 და მე-12 მუხლები). ამავე კანონის მე-14 მუხლის „ლ“ ქვეპუნქტით, ხელშეკრულებაზე უარის თქმის 14-დღიანი უფლება არ ვრცელდება საქონლის გადაზიდვაზე, რომელსაც შესრულების განსაზღვრული თარიღი აქვს — დასადასტურებელია.

3. ფასი

ფასს დისპეტჩერი ითვლის მანძილის, მანქანის ტიპის, ტვირთის წონისა და მოცულობის, ჩატვირთვის თარიღისა და ადგილზე სამუშაოს პირობების მიხედვით. ფასები ლარშია.

ფასი ჩატვირთვამდე თანხმდება. თუ ტვირთის მონაცემები არ შეიცვლება, შეთანხმებული ფასიც არ შეიცვლება.

ფასში შედის მანქანა და მძღოლი შეთანხმებულ მარშრუტზე. განაცხადის განთავსება და დისპეტჩერის მომსახურება უფასოა.

ჩვენი კომპანია დღგ-ს გადამხდელი არ არის, ამიტომ ფასს დღგ არ ემატება.

[LEGAL] T3. დღგ-ის სტატუსი დაუდასტურებელია — იგივე წინადადება კითხვების გვერდზეც წერია და კომპანიის რეგისტრაციის მიხედვით შეიძლება შეიცვალოს. დასადასტურებელია აგრეთვე, რომელი ნორმა გვავალდებულებს ფასის ლარში მითითებას.

4. ანგარიშსწორება

ინვოისს ტვირთის ჩაბარების შემდეგ გიგზავნით — ფიზიკურ პირსაც და კომპანიასაც. კომპანიაზე ინვოისის გამოსაწერად გვჭირდება მისი სახელწოდება და საიდენტიფიკაციო კოდი.

გადახდა ხდება საბანკო გადარიცხვით, ინვოისის გამოწერიდან [N] კალენდარული დღის განმავლობაში; ვადა ინვოისშიც წერია. წინასწარ არაფერს იხდით.

[LEGAL] T4. გადახდის ვადა დასადგენია (კომერციული გადაწყვეტილება). ვადის გადაცილების შედეგი — პირგასამტეხლო ან პროცენტი — ტექსტში განზრახ არ წერია; გადასაწყვეტია, საჭიროა თუ არა.

5. ჩვენი ვალდებულებები

[LEGAL] T5. ჩვენი ვალდებულებების ფარგლები როლზეა დამოკიდებული (T1). ექსპედიტორს კანონი კეთილსინდისიერი ექსპედიტორის გულისხმიერებას ავალებს (სამოქალაქო კოდექსის 731-ე მუხლი).

6. თქვენი ვალდებულებები

არაზუსტი ან არასრული მონაცემებით გამოწვეული ხარჯი და ზიანი თქვენ გეკისრებათ.

[LEGAL] T6. ზედნადები: დასადგენია, ვინ არის ვალდებული გამოწეროს იგი, როცა გადაზიდვას ჩვენ ვაწყობთ და საქონელი ჩვენს საკუთრებაში არ გადადის. არაზუსტი მონაცემებისთვის პასუხისმგებლობა ეყრდნობა სამოქალაქო კოდექსის 675-ე, 678-ე, 691-ე და 732-ე მუხლებს.

7. ჩატვირთვა და ლოდინი

[ჩატვირთვა და გადმოტვირთვა თქვენი მხრიდანაა. თუ მტვირთავები გჭირდებათ, დისპეტჩერს უთხარით. ეს დამატებით [X] ₾ ღირს.]

[ფასი მოიცავს [N] წუთ ლოდინს ჩატვირთვაზეც და ჩაბარებაზეც. ამის შემდეგ ყოველი დაწყებული საათი [X] ₾ ღირს.]

თუ მანქანა აგვიანებს, დისპეტჩერი მძღოლთან კავშირზეა და დაგირეკავთ. თავადაც შეგიძლიათ დაგვირეკოთ: +995 599 030 091.

[LEGAL] T7. კვადრატულ ფრჩხილებში ჩასმული ორი წინადადება ჯერ გადაუწყვეტელია (ვინ ტვირთავს, მტვირთავების ფასი, უფასო ლოდინი და ლოდინის საფასური). ეს კომერციული გადაწყვეტილებაა; ფორმულირება იურისტმა უნდა შეამოწმოს.

8. ცვლილება და გაუქმება

თარიღის ან მისამართის შესაცვლელად დისპეტჩერს დაურეკეთ. თუ ცვლილება მანძილს, მანქანის ტიპს ან ჩატვირთვის დროს ცვლის, ფასი შეიძლება შეიცვალოს; ახალ ფასს ცვლილებამდე გითანხმებთ.

შეკვეთის გაუქმება შეგიძლიათ:

ზუსტ თანხებს დისპეტჩერი ჯავშნამდე გეტყვით.

თუ შეთანხმებულ დროს მანქანას ვერ მოგაწვდით, დაუყოვნებლივ შეგატყობინებთ და სხვა მანქანას ან სხვა დროს შემოგთავაზებთ. ამ შემთხვევაში გაუქმება თქვენთვის უფასოა.

[LEGAL] T8. გაუქმების საფასურის ოდენობა დასადგენია (კომერციული გადაწყვეტილება). შესაფასებელია მისი ნამდვილობა, განსაკუთრებით ფიზიკური პირის მიმართ („მომხმარებლის უფლებების დაცვის შესახებ“ კანონის 22-ე მუხლი). ბოლო აბზაცი ახალი დაპირებაა: კითხვების გვერდზე ის არ წერია.

9. ჩაბარება და პრეტენზია

ჩაბარებისას ტვირთი მძღოლთან ერთად შეამოწმეთ. ხილული დაზიანება მიღება-ჩაბარების აქტში ადგილზევე ჩაიწერება.

ფარული დაზიანების პრეტენზია წერილობით უნდა წარმოადგინოთ ჩაბარებიდან 7 დღის განმავლობაში.

პრეტენზია გამოგვიგზავნეთ info@purago.app-ზე ან ზემოთ მითითებულ მისამართზე. მიუთითეთ შეკვეთის ნომერი, აღწერეთ დაზიანება და დაურთეთ ფოტოები და მიღება-ჩაბარების აქტი. გიპასუხებთ [N] სამუშაო დღის განმავლობაში.

[LEGAL] T9. ვადები. 7 დღე ემთხვევა სამოქალაქო კოდექსის 698-ე მუხლს (გარეგნულად შეუმჩნეველი დაზიანება, წერილობით), მაგრამ ექსპედიციის თავის 738-ე მუხლი 3 დღეს ადგენს — რომელი მოქმედებს, T1-ზეა დამოკიდებული. ჩაბარების ვადის გადაცილებისთვის კოდექსი 21-დღიან ვადას ადგენს (698-ე მუხლის მე-3 ნაწილი), ხანდაზმულობის ვადა ერთი წელია (699-ე მუხლი); ტექსტში ისინი არ წერია. პასუხის ვადა ახალი დაპირებაა.

10. პასუხისმგებლობა ტვირთზე

ტვირთის დაკარგვის, დაზიანებისა და ჩაბარების ვადის გადაცილებისთვის პასუხისმგებლობას ადგენს საქართველოს სამოქალაქო კოდექსი (გადაზიდვის წესები), საერთაშორისო გადაზიდვისას კი — კონვენცია „ტვირთების საერთაშორისო საგზაო გადაზიდვების ხელშეკრულების შესახებ“ (CMR).

გადამზიდავი ტვირთზე პასუხს აგებს მიღებიდან ჩაბარებამდე. პასუხისმგებლობა არ დგება, თუ ზიანი გამოიწვია თქვენმა ბრალმა ან მითითებამ, უხარისხო შეფუთვამ, თქვენ მიერ შესრულებულმა ჩატვირთვამ ან გადმოტვირთვამ, თავად ტვირთის თვისებებმა ან გარემოებამ, რომლის თავიდან აცილებაც შეუძლებელი იყო.

პრეტენზიას ჩვენ გვიგზავნით; გადამზიდავთან მის განხილვას ჩვენ ვუძღვებით.

[LEGAL] T10. პასუხისმგებლობის ჩარჩო. შიდა გადაზიდვა: სამოქალაქო კოდექსის 686-ე–697-ე მუხლები; 708-ე მუხლით ამ თავის საწინააღმდეგო შეთანხმება ბათილია. საერთაშორისო: CMR, ზღვარი — 8,33 SDR კილოგრამზე (23-ე მუხლი); საიტზე ახლა წერია, რომ შიდა და საერთაშორისო გადაზიდვას ვახორციელებთ (2026-10-17). დასადგენია: რა პასუხისმგებლობა გვეკისრება ჩვენ თქვენ წინაშე (T1) და ვრცელდება თუ არა ჩვენზე ექსპედიტორის დაზღვევის მოვალეობა (735-ე მუხლი).

11. პასუხისმგებლობის ფარგლები

კანონით დაშვებულ ფარგლებში პასუხს არ ვაგებთ არაპირდაპირ ზიანსა და მიუღებელ შემოსავალზე. პასუხს არ ვაგებთ არც დაგვიანებაზე, რომელიც ჩვენგან დამოუკიდებელმა გარემოებამ გამოიწვია — ამინდმა, გზის ჩაკეტვამ, ავარიამ, სახელმწიფო ორგანოს გადაწყვეტილებამ.

ეს პუნქტი არ ზღუდავს პასუხისმგებლობას განზრახვისა და უხეში გაუფრთხილებლობისთვის და არ გართმევთ უფლებებს, რომლებსაც კანონი სავალდებულოდ გაძლევთ — მათ შორის მომხმარებლის უფლებებს, თუ მომსახურებას პირადი საჭიროებისთვის იღებთ.

საიტზე მოცემული მანძილები, მანქანების პარამეტრები და სხვა ცნობები საინფორმაციოა; ფასსა და პირობებს დისპეტჩერი ადასტურებს.

[LEGAL] T11. შესაფასებელია ამ შეზღუდვის ნამდვილობა: სამოქალაქო კოდექსის 697-ე, 708-ე და 742-ე მუხლები; „მომხმარებლის უფლებების დაცვის შესახებ“ კანონის 21-ე–22-ე მუხლები (უსამართლო სტანდარტული პირობები).

12. გადამზიდავებისთვის

რეგისტრაცია უფასოა. ფორმა თქვენს ნომერს დისპეტჩერებს გადასცემს; სიაში დისპეტჩერი ზარის შემდეგ დაგამატებთ. ტვირთს არ გპირდებით: ტვირთებს დისპეტჩერი ზარით ანაწილებს.

ყოველ გადაზიდვაზე ჩატვირთვამდე ფორმდება ცალკე სატრანსპორტო განაცხადი — მარშრუტით, ტვირთით, ღირებულებითა და ანგარიშსწორების ვადით. გადაზიდვის პირობებს ის განაცხადი ადგენს.

[LEGAL] T12. სატრანსპორტო განაცხადის შაბლონი ცალკე მზადდება და თავის კითხვებს შეიცავს (CMR-ის ზღვარი, არარეზიდენტი გადამზიდავის 10%-იანი დაბეგვრა, ჯარიმის არარსებობა). ეს ტექსტი მას არ ცვლის.

13. პერსონალური მონაცემები

როგორ ვამუშავებთ თქვენს მონაცემებს, კონფიდენციალურობის პოლიტიკაში წერია.

14. სამართალი და დავები

ამ პირობებზე ვრცელდება საქართველოს კანონმდებლობა. დავას ჯერ მოლაპარაკებით ვწყვეტთ; თუ ვერ შევთანხმდით, მას თბილისის საქალაქო სასამართლო განიხილავს.

[LEGAL] T13. სამართალი და განსჯადობა — სატრანსპორტო განაცხადის შაბლონის მიხედვით (საქართველოს კანონმდებლობა, თბილისის სასამართლო). შესამოწმებელია, დასაშვებია თუ არა განსჯადობაზე შეთანხმება ფიზიკურ პირთან.

15. პირობების ცვლილება

პირობები შეიძლება შევცვალოთ. ახალ ვერსიას ამ გვერდზე ვაქვეყნებთ თავისი ნომრით. თქვენს შეკვეთაზე მოქმედებს ის ვერსია, რომელიც შეკვეთის დადასტურებისას მოქმედებდა. ფორმის გაგზავნისას ვინახავთ, რომელ ვერსიას დაეთანხმეთ.

ტექსტი ქართულ, ინგლისურ და რუსულ ენებზეა. თუ ისინი ერთმანეთს არ ემთხვევა, უპირატესობა ქართულ ტექსტს აქვს.

[LEGAL] T14. ცვლილების შეტყობინების წესი, ენობრივი ვერსიების უპირატესობა და ფიზიკურ პირებთან დისტანციური ხელშეკრულების მოთხოვნები (T2).

16. კონტაქტი

მთავარ გვერდზე